Kastoriyaya səfər
23 noyabr 2024-cü il tarixdə Səfir Arif Məmmədov Kastoriyaya səfəri çərçivəsində region qubernatorunun müavini Dimitrios Savvopoulos ilə görüşüb. Görüşdə Azərbaycan və Yunanıstanın regionları arasında əməkdaşlıq imkanları ətrafında fikir mübadiləsi aparılıb. Səfər çərçivəsində səfir A.Məmmədov həm də Qərbi Makedoniya Universiteti ilə Azərbaycan Dövlət İqtisad Universiteti arasında birgə magistr proqramının məzunlarının buraxılış mərasimində iştirak edib, rektorlar A.Muradov və T.Teodoulidislə birlikdə çıxış edib. Səfir çıxışında birgə magistr proqramını Azərbaycan və Yunanıstan arasında təhsil sahəsində əməkdaşlığın uğur hekayəsi kimi təsvir edib.
