Səfirlik Afinada keçirilən “24-cü Beynəlxalq Milad Bazarı”nda iştirak edib.
30 noyabr – 1 dekabr 2024-cü il tarixlərdə Azərbaycan Respublikasının Yunanıstan Respublikasındakı Səfirliyi “Uşaqların Dostları” Assosiasiyasının təşkilatçılığı ilə Afinada keçirilən “24-cü Beynəlxalq Milad Bazarı”nda iştirak edib. Səfirliyin stendində Azərbaycan mədəniyyəti və mətbəxinin nümunələri nümayiş etdirilib, ziyarətçilərə Azərbaycan çayı təklif edilib. Azərbaycan mədəniyyətinə dair kitablar ziyarətçilərə paylanılıb.
